Առավոտը ծխախոտով սկսելու բացասական հետևանքները. tert.am

Շատերը սովորություն ունեն արթնանալուն պես ծխախոտ վառելու` անգամ առանց նախաճաշելու: Այդ մարդիկ կանգնած են թոքերի քաղցկեղ ձեռք բերելու մեծ վտանգի առաջ:

Ինչպես գրում է healthylifetricks.com-ը` ամերիկացի գիտնականների խումբն ուսումնասիրություն է անցկացրել 2500 ծխողների շրջանում:   Արդյունքները ցույց են տվել, որ նրանց 32 տոկոսն օրվա առաջին ծխախոտն օգտագործում է արթնանալուց հետո 5 րոպեի ընթացքում, 31 տոկոսը` 3-30 րոպեի ընթացքում, 18 տոկոսը` առավոտյան սուրճից հետո: Միայն 19 տոկոսն է պատասխանել, որ արթնանալուց հետո առնվազն մեկ ժամ սպասում է օրվա առաջին ծխախոտը ծխելու համար:

Արթնանալուն պես ծխողների մոտ ծխախոտի թունավոր նյութերի կողմնակի հետևանքների ավելի բարձր մակարդակ է գրանցվել, քան նրանց մոտ, ովքեր ծխել սկսում են 30 րոպե անց: Գիտնականները պնդում են, որ առավոտյան  վաղ ծխել սկսողները թոքերի քաղցկեղով հիվանդանալու աառավել մեծ վտանգ ունեն:

Հարցեր, պատասխաններ, մեկնաբանություններ